O Burela FSF defenderá a terceira praza ante un Alcorcón ávido de puntos
O Burela FSF Pescados Rubén defenderá este domingo, na vixésimo quinta xornada de Honra, a súa recentemente estreada terceira posición, ante un Ciudad de Alcorcón, que necesita os puntos para desfacerse do título de farol vermello. Vista Alegre acollerá o encontro a partir das 12.30 horas.
Tras o resultado favorable da semana pasada ante o Valladolid (3-2), o cadro madrileño (17 puntos) chegará a Burela con sede de vitoria; ten a salvación a catro puntos e, a falta de seis xornadas, está obrigado a aproveitar cada segundo de xogo.
Pola súa banda, á escuadra laranxa tocaralle aferrarse con uñas e dentes ao podio, ante o asedio do desbancado Atlético de Madrid Navalcarnero (44), que visita a pista doutro rival directo, o Diamante-La Rioja (42).
Milena non participará na cita da bomboneira; a brasileira estará uns días no seu país por motivos administrativos. Chegarán moi xustas Ro, por unha sobrecarga no abductor, e Lidia, por unha inflamación na inserción distal dos músculos peroneos.
Categorías
- Actualidade
- Reportaxes
- Equipo masculino
- Equipo femenino
- Pioneiras
- Historia
- Turismo
- Educación
- RSC
- Institucional
- Patrocinadores
Reportajes
Noticias destacadas