09/06/2011

O Xacobeo agarda os xuvenís laranxas na final da Copa, en Lugo

O Xacobeo agarda os xuvenís laranxas na final da Copa, en Lugo

O Xacobeo Autos Lobelle de Santiago agardará este sábado os xuvenís laranxas na final da Copa, que terá lugar no pavillón municipal de Lugo, a partir das 20.15 horas.


O Burela FS conseguiu o billete para a final despois de vencer o Cidade de Ourense, por 3-6 e 7-5 en encontros de ida e volta, na semifinal. Agora para a gran cita, os pupilos de Iván Cao, Lucas, chegan con toda a ilusión para dar a sorpresa ante o favorito compostelán, campión de liga e subcampión de España. Os duelos ligueiros da tempada foron para os mariñáns en Burela (2-1) e para os santiagueses na capital galega (6-3).


Autobús gratuíto. O club laranxa porá un autobús gratuíto á disposición de todos os afeccionados/as que queiran viaxar á cidade luguesa para animar o equipo. A hora de saída será ás 17.30 horas, do pavillón Vista Alegre. As persoas interesadas deben chamar á sede do CD Burela FS (982 58 18 15).

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.