As Xornadas Formativas despídense coa aplicación da vendaxe funcional

O fisioterapeuta do Durán Maquinaria Ensino, Fiz Fernández, foi o encargado de despedir as III Xornadas Formativas Burela FS onte no IES Monte Castelo, coa vendaxe funcional na escordadura de nocello como eixe do seu relatorio. Nesta última sesión do ciclo laranxa, o especialista abordou os diferentes tipos de escordaduras, técnicas de tratamento, contraindicacións e material adecuado. A xornada rematou cunha parte práctica por parellas.