04/08/2011

Comeza a rodar o Burela FS 2011-12 cos adestramentos de verán

Comeza a rodar o Burela FS 2011-12 cos adestramentos de verán

Mañá comezará a rodar o novo proxecto do CD Burela FS 2011-12, con dúas xornadas dos xa tradicionais adestramentos de verán da entidade laranxa, que reunirán sobre a pista de Vista Alegre a promesas futbolísticas non só da comarca mariñá senón tamén de Asturias e Andalucía.


Tras estes días de sesións e probas, o conxunto laranxa entrará no traballo de pretempada o vindeiro luns, 8 de agosto, baixo as ordes de Quique García. Xunto a Brais, André, Purao, Víctor Cachón, Ique, Juanma, Christian, Clebinho e Turero, estrearase Iago Barro e regresa Dani Martín, coa vista fixada nos amigables de preparación, co calendario aínda pendente de peche.


O 20 de agosto, os da Mariña veranse as caras co Azkar Lugo, da Primeira División, nas semifinais dunha das citas por excelencia da pretempada laranxa, o Memorial Celso Currás de Trabada, que tamén contará co Autos Lobelle de Santiago FS (Primeira División) e o Dinamo de Moscova (campión da Liga Rusa 2011). De novo ante os transportistas, o Burela FS xogará o 31 de agosto, no encontro de presentación dos lugueses.


O mes de setembro arrancará coa visita, o día 3, do Autos Lobelle de Santiago FS, da Primeira División, a Vista Alegre. Unha semana antes do comezo ligueiro, o 9 de setembro, o conxunto de Quique García pechará a pretempada no concello asturiano de San Tirso de Abres, ante o CD Rececende Superti A Pontenova, da Terceira División.


 


Sábado 20 e domingo 21 de agosto


VII Memorial Celso Currás
Azkar Lugo FS-CD Burela FS // Autos Lobelle Santiago FS-Dinamo de Moscova
Localización: Trabada


 


Mércores 31 de agosto


Presentación oficial do Azkar: Azkar Lugo-Burela FS
Localización: Lugo


 


Sábado 3 de setembro


Burela FS-Autos Lobelle de Santiago
Localización: Vista Alegre


 


Venres 9 de setembro


CD Rececende Superti A Pontenova-Burela FS
Localización: San Tirso de Abres

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.