27/09/2011

Jozi pon rumbo ao Sudamericano 2011 (Venezuela, 1-14 outubro)

Jozi pon rumbo ao Sudamericano 2011 (Venezuela, 1-14 outubro)

A gardameta laranxa Joziane de Oliveira partiu hoxe con rumbo ao Brasil para reunirse coa selección canarinha, que disputará o Sudamericano 2011 en Maracay, Venezuela, entre o 1 e o 14 de outubro.


Jozi, que volverá pisar terras galegas o 16 de outubro, perderá dúas xornadas da liga co Burela FS-Pescados Rubén, ante Cajasur Córdoba (día 1) e Majadahonda (día 15). “Marcho con mágoa por non poder acompañar o equipo na evolución do comezo de tempada, pero en Venezuela estará o posible cadro que disputará o mundial de decembro e non podo perder esta oportunidade. Estou segura de que as miñas compañeiras burelistas poderán realizar un bo papel na miña ausencia” dixo a porteira internacional.


Despois dunha semana de preparación no Centro de Adestramento Aécio de Borba Vasconcelos, en Fortaleza, a selección brasileira viaxará a Maracay para ter como rivais da primeira fase a Bolivia, Colombia, Paraguai e Ecuador. O outro grupo estará composto por Arxentina, Chile, Uruguai, Perú e a anfitrioa. Da Primeira División Feminina Española, tamén foi reclamada polo combinado canarinho a ala-pivote Ju Delgado, do Móstoles FSF.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.