O Autos Lobelle visitará Vista Alegre o 6 de decembro, na Copa do Rei
O Autos Lobelle de Santiago FS, da Primeira División, visitará Vista Alegre o 6 de decembro para baterse ao Burela FS Pescados Rubén na terceira fase da Copa do Rei. Así se deu a coñecer onte tras a realización do sorteo da eliminatoria na Cidade do Fútbol de Las Rozas, sede da Real Federación Española de Fútbol.
A última vez que se viron as caras santiagueses e burelaos foi na pretempada, a comezos de setembro, cun axustado 2-3 para os de Tomás de Dios. O técnico lobellista explicou en www.autoslobellefs.com a sensación que lle transmite a escuadra de Quique García: “Cando nos enfrontamos a eles en pretempada puidemos observar un equipo cunha defensa moi organizada. É outro dos clásicos derbis galegos e son partidos que sempre estiveron moi igualados fronte a un rival que sempre está loitando no play-off polo ascenso”.
Outros enfrontamentos da eliminatoria: O Parrulo-Azkar Lugo, Maristas Valencia-Benicarló, Centelles-Barcelona, Gasifred Eivissa-Manacor, Andorra- Sala Zaragoza, Martorell-Marfil Santa Coloma, Ziérbana-Ribera de Navarra, Melilla-ElPozo, África Ceutí-Carnicer, Gáldar-Talavera, Alamín-Navarra, Manzanares-Puertollano, Brihuega-Inter, Granada-Cartagena e Pilaristas-Caja Segovia.
O sorteo da cuarta eliminatoria, entre os gañadores, está programado para o 13 de decembro, na sede da RFEF.
Categorías
- Actualidade
- Reportaxes
- Equipo masculino
- Equipo femenino
- Pioneiras
- Historia
- Turismo
- Educación
- RSC
- Institucional
- Patrocinadores
Reportajes
Noticias destacadas
Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.
Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.
Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.