19/11/2011

As laranxas adxudícanse o derbi ante As Burgas cun merecido 5-0

As laranxas adxudícanse o derbi ante As Burgas cun merecido 5-0

O derbi galego que hoxe puido presenciar o público de Vista Alegre quedou na casa e con claridade. As laranxas adxudicáronse os tres puntos que as achegan ao ecuador clasificatoria tras un merecido 5-0 ante o Cidade das Burgas.


Aínda non se cumprira o segundo minuto de xogo cando Claudia subiu a primeira vantaxe ao luminoso, nun pase cruzado de Dolo que a focega empurrou ao bordo da meta rival.  Co paso dos minutos o Burela FS Pescados Rubén foi reafirmando o dominio do encontro ante o Cidade, coa  marxe de manobra reducida aos escasísimos contragolpes. Dende saque de esquina, Dolo anotou o 2-0 (minuto 15), tras un despexamento errado da porteira ourensá co ombreiro. Aínda tiveron tempo as burelistas de seguir co asedio ás Burgas; o 4-0 estivo a piques de materializarse nos dous últimos minutos antes do descanso, nas zapatillas de Lucía primeiro, dende pase de Ro, nun tiro raso de Peque que rozou o pau máis tarde e, a falta de 25 segundos, nun balón que non puido aproveitar Ro tras unha extraordinaria galopada de Peque.


A escuadra de Javier Pardeiro volveu con ganas de máis na segunda parte. Tentativa tras tentativa, Haydee responsabilizouse do ansiado 4-0 (minuto 27), a pase de tacón, e Lucía apropiouse do 5-0 (30), tras a pugna cunha rival polo balón preto da área visitante. Na recta final e coa acumulación de cinco faltas, Jozi conseguiu manter infranqueable a portería laranxa freando dous dobres penaltis.


Tras a parada dun mes debido ao II Torneo Mundial de Fútbol Sala Feminino (Brasil, 4-10 de decembro), as burelás retomarán a competición o 17 de decembro, coa 11ª xornada, na pista do Lacturale Orvina, en duelo directo.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.