29/11/2011

A Pataca Naranxa inicia a recollida de xoguetes xunto á Cruz Vermella

A Pataca Naranxa inicia a recollida de xoguetes xunto á Cruz Vermella

Un ano máis, e xa van oito, a peña burelista A Pataca Naranxa iniciou a campaña “Un xoguete, unha ilusión”, xunto á Cruz Vermella, para axudar a que todos os nenos e nenas poidan gozar do encanto do Nadal.


Ata o 20 de decembro, todas as persoas interesadas poderán depositar os seus agasallos no pavillón Vista Alegre, de luns a venres pola tarde, coincidindo coa apertura das instalacións deportivas para os diferentes adestramentos, e nos partidos do equipo sénior masculino na casa, o 6 (Copa do Rei, Autos Lobelle) e o 17 de decembro (UPV Maristas Valencia).  


A Pataca Naranxa tamén manterá o servizo de recollida a domicilio, co que comezou hai xa dous anos. Poderase concertar a través do número de teléfono da peña, 607 74 87 86.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.