20/01/2012

Rubí FS, obxectivo para seguir medrando

Rubí FS, obxectivo para seguir medrando

O Burela FS Pescados Rubén medirase mañá, na décimo cuarta xornada da Primeira División, ao Rubí FS, co obxectivo de seguir medrando e prolongar a boa etapa de resultados. Vista Alegre dará o sinal de saída ás 18.30 horas.


“Esperamos outro triunfo” afirma a laranxa Peque, que recoñece que “a accesibilidade dos últimos rivais nos está dando confianza, aínda que tamén estamos sufrindo un pouco pola baixa de Lucía”. 


Dende a sétima praza (22 puntos), as mariñás perseguen a consolidación na zona alta da táboa, coa sexta praza a tan só 1 puntiño custodiada polo Femesala Elche (23), que esta fin de semana se mide ao Lacturale Orvina (noveno, 16). Enfronte terán a un rival que é duodécimo, con 13 puntos: Navalcarnero 2-3, Cidade das Burgas 3-3, Diamante 1-0, Valladolid 2-7 e Majadahonda 8-7. As catalás chegarán á bomboneira arrastrando cinco xornadas sen puntuar, dende o 5 de novembro.


“É un equipo bastante desordenado en defensa, pero deberemos previr o seu ataque, baseado en gran parte nas contras” analizou Peque. “Temos que ter moito a pelota para evitar os contragolpes e así poder continuar a boa etapa de resultados que estamos vivindo para seguir escalando na táboa” sentenciou a burelista.


No vestiario local, Lucía pasará finalmente polo quirófano o vindeiro mércores; a xogadora será intervida da rotura de ligamento cruzado anterior pola traumatóloga Luísa Ibáñez no Policlínico Lucense SA.


Sorteo Time Force. A entidade laranxa sorteará un Time Force, reloxo oficial da LNFS, durante o descanso do encontro. As rifas poderanse adquirir no pavillón Vista Alegre hoxe, coincidindo co Burela FS-Hotels Plaza Andorra e mañá, ademais das oficinas do club (Arcadio Pardiñas, número 97, entresollado) ao prezo de 2 euros.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.