04/02/2012

Os tres puntos escapan de Vista Alegre ante os canarios (1-5)

Os tres puntos escapan de Vista Alegre ante os canarios (1-5)

Os tres puntos escaparon hoxe de Vista Alegre na visita do Gáldar Gran Canaria (1-5), cunha cita na que arrastraron o lastre de ir por detrás no marcador, coa acuciante acumulación de faltas.


Dende o asubío inicial, ambas as escuadras foron cautas, sen demasiadas chegadas á meta rival. As mellores oportunidades, estiveron do lado laranxa, no minuto 13, en saque de esquina que non puido aproveitar Bebeto baixo os paus,  e no 15, nunha chegada de Juanma, que bateu no porteiro.


Na segunda parte, Bebeto puido estrear o electrónico aos 30 segundos, só ante Dani Cabezón, pero os insulares foron máis efectivos, rendibilizando os roubos. En dous contragolpes moi próximos, Minhoca (26), con toque de Saúl, e Zeus (29) déronlles a vantaxe aos visitantes. A punto de cumprirse o minuto 30 e cunha xogada embarullada de Ique diante da meta de Dani Cabezón, Julio Delgado optou pola saída de André como porteiro-xogador para ir a pola remontada e frear a carga de faltas. Na sexta amoestación para os laranxas, Néstor aproveitou a oportunidade para subir o 0-3 (minuto 31, d.p.), que axiña reduciu Bebeto (32). No entanto, volveu o castigo arbitral; tras a amarela a Iago Míguez, Javier Fajardo nada puido facer ante o golpe de Néstor (32, d.p.).


O Burela FS non cesou no empeño de inverter o electrónico, con boas ocasións, pero antes de chegar ao minuto 36, volveu aparecer Néstor para anotar o 1-5 definitivo a porta baleira.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.