11/02/2012

Vitoria por 3-2 do Burela Pescados Rubén, que aumenta a súa excelente serie

Vitoria por 3-2 do Burela Pescados Rubén, que aumenta a súa excelente serie

O Burela FS Pescados Rubén mantén o paso na súa escalada cara á zona alta da Primeira División tras sumar unha vitoria máis á súa serie triunfal, sete vitorias e un empate nas últimas oito xornadas. Nesta ocasión, o conxunto dirixido por Javier Pardeiro derrotou por 3-2 a un Soto del Real voluntarioso que se presentou en Vista Alegre coa clara consigna de especular en todo momento cos posibles erros laranxas.


Desde o asubío inicial cumpriuse o guión preestablecido. Iniciativa do xogo para o Burela e pechamento en pista propia das madrileñas na busca do contragolpe, a súa esperanza e único recurso ofensivo. Con este panorama transcorreu un primeiro período no que Claudia abriu a lata visitante aos cinco minutos de xogo. Unha combinación con Peque e disparo da capitá laranxa supuxo o 1-0. Rosana estivo preto do segundo ao estrelar un disparo no traveseiro pero o marcador permeneceu inalterable ata o descanso.


Na continuación, as burelenses mantiveron a paciencia e concentración e Rosana marcou de cabeza o 2-0 a pase de Haydee, minuto 23. A pesar do resultado, o Soto del Real seguía fiel ao seu guión ata co 3-0 logrado por Dolo tras asistencia de Maite aos trinta minutos de xogo. Instantes despois chegou o anhelado roubo e contragolpe, Pitu executouno á perfección nun man a man ante Jozi, que non puido evitar o 3-1.


O partido entrou nunha fase na que o Burela puido liquidar o encontro en varias oportunidades pero a definición laranxa non estivo tan afinada coma en anteriores ocasións. E dun marcador máis folgado pasouse ao 3-2, logrado por Pitu tras un potente disparo (min.36). Nos compases finais o xogo foi impreciso por ambas as partes pero en ningún momento perigou a merecida vitoria laranxa.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.