13/03/2012

O Burela FS comparte adestramento coa Fundación Eu Son

O Burela FS comparte adestramento coa Fundación Eu Son

O Burela FS Pescados Rubén compartiu o venres pasado adestramento coa Fundación Eu Son, actividade integrada no programa de acción social do club mariñán. Os/As xogadores/as laranxas Cely, Maite, Jozi, André, Purao e Brais gozaron dunha sesión vespertina no pavillón Vista Alegre xunto a diferentes membros do colectivo de discapacitados, con exercicios de quentamento, xogos, partido e intercambio de experiencias.


A entidade laranxa colabora activamente dende hai anos con varias asociacións da bisbarra difundindo a imaxe do fútbol sala como un deporte para todos/as. A comezos de tempada, coincidindo coa presentación 2011-12 dos equipos laranxas da Primeira e Segunda División, o Burela Fs xa habilitou unha Fila 0, coa recadación destinada á Fundación Eu Son e á asociación local Camiña.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.