Un correoso Femesala Elche agarda as burelás na vixésimo terceira xornada da Primeira División, como loita no asentamento dos postos de Copa. O partido entre a sétima praza levantina e a quinta cantábrica, que dará comezo mañá ás 16.00 horas no pavillón Esperanza Lag, poderá seguirse por TVG2, tras o Telexornal Mediodía.

O Burela FS Pescados Rubén viaxa a Elxe con 5 puntos de vantaxe sobre o seu rival e coa tentación do podio, moi próximo, a tan só 3 puntos, custodiado polo Móstoles e Ponte Ourense, terceiro e segundo respectivamente (47 puntos). Medirase a un conxunto moi difícil na súa cancha, onde tan só viu escapar puntos ante o Cajasur Córdoba (7ª xornada, 0-5) e o Rubí (17ª xornada, 2-2).

O Femesala chegará á cita moi motivado, tras a contundente derrota ante o que foi, precisamente, o seu único verdugo no Esperanza Lag, Cajasur Córdoba (9-1) para distanciarse da oitava posición e fortalecer, así, a súa presenza na Copa. Nas filas levantinas, será baixa Laura Jover; segundo o club ilicitano, a xogadora terá que someterse a unha intervención de menisco.

Próxima xornada. O líder, Atlético de Madrid Navalcarnero, visitará Vista Alegre tras o descanso da Semana Santa. O encontro será o 14 de abril, ás 18.30 horas.