12/04/2012

A bomboneira prepárase con ilusión para o duelo ante o líder

A bomboneira prepárase con ilusión para o duelo ante o líder

O líder e gran candidato á liga de Primeira, Atlético de Madrid Navalcarnero (58 puntos), chega na vixésimo cuarta xornada á bomboneira, para medirse ao Burela FS Pescados Rubén nun duelo de altura ilusionante e que promete moito, sobre todo espectáculo. O partido comezará, o sábado, ás 18.30 horas.


Vista Alegre será testemuña dunha cita con infinitas posibilidades para o xogo bonito, na que medirán as súas forzas dous equipos que atravesan un extraordinario momento, o mellor da tempada.


Como conxunto menos goleado (35 tantos en contra) e enfiando o triunfo nas últimas cinco xornadas, as pupilas de Javier Pardeiro espremerán a potencia burelista para defender a cuarta praza (47 puntos), ás portas do podio co Móstoles na terceira posición, a só 1 punto, e o Ponte Ourense na segunda, a 3. Deberán dedicar especial atención ás individualidades dun rival histórico que está a experimentar en 2011-12 a súa máxima solidez; o Atlético non perde dende o 7 de xaneiro (Femesala Elche 4-2) e nestas 11 xornadas tan só cedeu o empate na casa do Móstoles (3-3). 


Javier Pardeiro poderá contar con todo o vestiario a excepción da coñecida lesión de Lucía. Haydee chegará bastante minguada por unha tendinite rotuliana.


Na primeira volta, a vitoria do Navalcarnero executouse pola mínima (2-1), nunha cita na que as madrileñas se viron obrigadas a remontar a finalización de Peque.


Próxima xornada. O 21 de abril, o Burela FS disputará o último derbi galego da liga 2011-12, coa visita á cancha do Cidade das Burgas (17.00 horas), décimo na clasificación.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.