22/04/2012

Vitoria brillante no derbi galego (3-5) xogado en Ourense

Vitoria brillante no derbi galego (3-5) xogado en Ourense

O Burela FS Pescados Rubén impúxose no derbi entre galegas ao Cidade das Burgas, alcanzando os sete partidos consecutivos vencendo. O duelo resultou moi competido e xa aos tres minutos anotaba o Burela FS o primeiro tanto, obra de Peque, tras un roubo de balón de Dolo. Aos nove minutos, Claudia á saída dun córner conseguiu facer o segundo tanto das lucenses que pouco despois ampliaban a súa renda cun gol de Dolo, tras un novo roubo de balón, esta vez a mans de Raquel.


O Cidade conseguía meterse de cheo na pugna polo envite con dous tantos antes do descanso, o primeiro de Iria, en xogada persoal pola a esquerda, e o segundo de María Arias, tras aproveitar un pase en longo de Iria, para superar por alto a Irene.


Ao pouco da continuación, o Burela golpeaba a resistencia local cun tanto de Milena tras pase de Ro ao segundo pau. Co resultado ao seu favor, o Burela proseguía facendo boas as súas rotacións e o seu alto ritmo de xogo, ante un Cidade que ao encaixar o quinto tanto, obra de Lidia cruzando ante Nati, parecía baixar un tanto os brazos.


Malia que Iria marcou un novo tanto para o Ourense, as xogadoras laranxas impuxeron a súa calidade e xa non cederon máis tantos.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.