21/05/2012

O Burela FS e o Concello de Cervo renovan a súa colaboración

O Burela FS e o Concello de Cervo renovan a súa colaboración

O Club Deportivo Burela Fútbol Sala Pescados Rubén vén de renovar a súa colaboración co Concello de Cervo,  co fin de manter o traballo realizado nos últimos anos na potenciación da práctica de deporte entre os mozos e mozas do municipio. O presidente da entidade laranxa, José Ramón González Casas, formalizou o convenio co edil de Deportes, José Ramón Soto, nun acto no que tamén estivo presente o alcalde de Cervo, Alfonso Villares.


“Dende o Concello estamos moi satisfeitos de poder contar coa colaboración do Club Deportivo Burela Fútbol Sala, co que vimos mantendo unhas excelentes relacións” explicou José Ramón Soto, que cualificou os beneficios deste labor conxunto: “Un dos puntos fortes desta colaboración é a creación dun contorno de traballo moi positivo para os nenos e nenas, que coñecerán de preto aos deportistas, escoitarán as súas experiencias e ademais participarán nas actividades, sentíndose eles mesmos os protagonistas”.


José Ramón González Casas agradeceu “o compromiso do Concello cervense no proxecto burelista e na promoción da práctica deportiva en igualdade e na consolidación do fútbol sala na comarca da Mariña”.


Neste marco de actuación, o alumnado e profesorado da escola de Cervo poderán gozar de xornadas de convivencia e amigables cos membros do CD Burela FS, ademais de recibir pases especiais para presenciar os encontros laranxas e acceder a descontos nas actividades programadas dende o club, como o Campus Mixto Internacional. Pola súa banda, o Concello cederá as instalacións municipais para a práctica deportiva previa solicitude do club.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.