31/05/2012

O Ribadeo FS pon en marcha os seus torneos de verán

O Ribadeo FS pon en marcha os seus torneos de verán

O V Torneo Nacional de FS Feminino Vila de Ribadeo será os días 30 de xuño e 1 de xullo e xogarase, como na pasada edición, nos pavillóns de Ribadeo e A Veiga.


Terán cabida as categorías de Alevín, Infantil, Cadete e Sénior, con trofeo exclusivo de Cerámica J. Cancio para campións e subcampións, aínda que tamén haberá trofeo para todos os demais equipos participantes.


A organización, a través da Concellaría de Deportes de Ribadeo, dispón da posibilidade de aloxar os equipos nos colexios da vila, o que permite o desprazamento desde os máis remotos lugares da península para, ademais de practicar deporte, gozar durante unha fin de semana dos encantos da Mariña lucense e do occidente asturiano.


Este ano haberá tamén torneo masculino. Será a 1ª edición do Vila de Ribadeo masculino e disputarase os días 23 e 24 de xuño no polideportivo ribadense, con árbitros federados do colexio galego e trofeos exclusivos de Cerámica J. Cancio. O primeiro clasificado levará 800 € e trofeo; o 2º, 400 € e trofeo; e o 3º e 4º, 200 € e trofeo. Haberá tamén trofeos para os equipos clasificados do 5º ao 8º posto, e o mellor equipo local levará, ademais do trofeo, 150 €. O xogador máis destacado será obsequiado con trofeo.


A inscrición por importe de 110 € (antes do día 15) realizarase na conta nº 2080.5511.65.3040101185 de Novagalicia Banco, e os teléfonos de contacto para máis información son: 666367058 e 696850220.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.