04/09/2012

Cursos federativos de Instrutor de Fútbol Sala (Nivel 1 e Nivel 2) en Burela

Cursos federativos de Instrutor de Fútbol Sala (Nivel 1 e Nivel 2) en Burela

Por segundo ano, Burela involucrarase na formación de adestradores baixo a organización da Federación Galega de Fútbol.  Deste xeito, a vila mariñá e o IES Monte Castelo volverán acoller un curso federativo de Instrutor de Fútbol Sala Nivel 1, ampliando a oferta co curso de Nivel 2; ambos os dous se desenvolverán entre outubro de 2012 e xuño de 3013.


Todas as persoas interesadas poden informarse na sede do CD Burela FS Pescados Rubén (avenida Arcadio Pardiñas, número 97, entresollado, 982 581 815, burelafs@burelafs.org).


Valídanse estudos a licenciados, diplomados e mestres de Educación Física e titulados no ciclo superior de Actividades Físicas e Deportivas. O solicitante deberá achegar un escrito de solicitude acompañado de fotocopia compulsada do título.


 


Nivel 1


O prazo de inscrición para as probas de acceso de Nivel 1 estará aberto ata o venres 21 de setembro. Estarán exentos/as da proba de carácter específico, que terá lugar o sábado 6 de outubro (colexio Santa María do Mar, A Coruña), os/as aspirantes que acheguen na súa solicitude de inscrición un certificado federativo de xogar na categoría nacional de fútbol sala (Primeira División de Fútbol Sala, Segunda, Segunda B, Terceira e Liga Nacional Xuvenil, así como Primeira e Segunda femininas) no período máximo de dous anos anteriores a esta convocatoria e estean activos; os que superen os dous anos de inactividade deberán efectuar as probas físicas. Unha vez superadas ou validadas as probas de acceso, a matrícula poderá formalizarse ata o martes 16 de outubro.


O custo do curso ascenderá a 825 euros, fraccionados en tres prazos (inscripción 75 €, matrícula 375 € e 375 € antes do 28-01-2013).


 


Nivel 2


Para matricularse no Nivel 2, cuxo prazo rematará o venres 28 de setembro, será necesario estar en posesión do título de Instrutor de Fútbol Sala Nivel 1. O pago do ciclo realizarase en tres cotas (matrícula 425 €, 300 € antes do 31-12-2012 e 200 antes do 25-02-2013).

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.