19/09/2012

O club participa na Semana da Mobilidade burelá

O club participa na Semana da Mobilidade burelá

As xogadoras do primeiro equipo Peque e Lara, e os xogadores André e Fabio participaron o pasado domingo na Semana da Mobilidade organizada polo Concello de Burela. A concelleira de Medio Ambiente, Patricia López Eijo, sinalou que “a actividade de dispara a gol con xogadores do Burela FS, que en edicións anteriores se facía pola semana, decidimos trasladala ao domingo porque é unha actividade que gusta moito e así puideron achegarse máis nenos e nenas ao ser unha xornada na que non teñen colexio”.


O slogan da Semana Europea da Mobilidade é ‘Participa nos plans de mobilidade da túa cidade: móvete na boa dirección’. Patricia López Eijo dixo que “con este slogan preténdese facer reflexionar sobre o papel que os plans de mobilidade urbana sostible poden xogar no noso pobo. Ditos plans (Pmus) definen un conxunto de medidas relacionadas que levan, paso a paso, a satisfacer as necesidades de mobilidade dos cidadáns e empresas, ao mesmo tempo que melloran a calidade de vida do pobo”.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.