O Burela Pescados Rubén cae derrotado ante un Marfil con mellor puntería
O Burela Pescados Rubén acariñou os seus primeiros puntos na Primeira División pero finalmente foi o Marfil Santa Coloma o vencedor (3-1), no duelo correspondente á segunda xornada da LNFS.
O conxunto catalán aproveitou o seu bo inicio de partido para golpear primeiro e Sepe puxo o 1-0, minuto catro. Co paso dos minutos o Burela Pescados Rubén, que non puido contar con Juanma debido a que se resentiu dos seus problemas lumbares, asentouse na pista e neutralizou o dominio inicial dos marfileños.
A igualdade foi a tónica durante o primeiro período ata que chegou a expulsión de Nacho Pedraza, a falta dun minuto para o descanso. A escuadra laranxa logrou superar a inferioridade e retirarse ao descanso cun adverso 1-0.
Na continuación, o equipo dirixido por Julio Delgado completou a súa inferioridade numérica sen consecuencias no marcador. Pouco despois, chegou o tanto do empate tras unha xogada de estratexia que culminou Christian, minuto 23. A igualada propiciou un partido máis aberto no que o Burela gozou de numerosas ocasións que non logrou aproveitar. O Marfil tampouco conseguía aumentar a súa renda ata que chegou un disparo de media distancia de Adolfo que supuxo o 2-1, minuto 35. O conxunto mariñán perseverou en busca do empate, ata con André de porteiro-xogador, pero sería Dani Salgado quen marcase a tres segundos do final, establecendo o 3-1 definitivo.
Ficha técnica
Marfi Santa Coloma: Chico, Rubén, Adolfo, Sepe, Dani Salgado -cinco inicial- Segura, Busquets, Rafa López, Alex e Jhow.
Burela Pescados Rubén: Edu, Mimi, André, Iago Míguez, Nacho Pedraza -cinco inicial- Enrique Cánovas, Dani Martín, Christian e Hugo.
Goles: 1-0, minuto 4, Sepe; 1-1, minuto 23, Christian; 2-1, minuto 35, Adolfo; 3-1, minuto 40, Dani Salgado.
Árbitros: González Ruano, primeira muller en arbitrar en Primeira División, e Sánchez Ayala. Mostraron amarela a Rubén, Rafa López, Nacho Pedraza e Enrique Cánovas. Expulsaron a Nacho Pedraza.
Categorías
- Actualidade
- Reportaxes
- Equipo masculino
- Equipo femenino
- Pioneiras
- Historia
- Turismo
- Educación
- RSC
- Institucional
- Patrocinadores
Reportajes
Noticias destacadas