22/10/2012

Haydee permanecerá ingresada ata mañá

Haydee permanecerá ingresada ata mañá

A xogadora do Burela FS Pescados Rubén Haydee Agras foi intervida satisfactoriamente esta tarde da súa tendinite rotuliana e permanecerá ingresada ata mañá no Policlínico Lucense SA.



A ala-peche laranxa deberá ter a perna inmobilizada durante uns días. A vindeiras semana terá a súa primeira revisión baixo a análise do traumatólogo José Antonio López, responsable da operación. Aínda que é un pouco prematuro para marcar os prazos de recuperación, o seu regreso ás pistas poderá roldar entre os dous e os tres meses.



Na enfermería do Burela FS masculino, o capitán, Juanma, xa saíu onte do Hospital Modelo da Coruña tras ser sometido a unha “cirurxía conservadora” por unha hernia discal, segundo cualificou o doutor Manuel García Fantini. O alfocego poderá volver facer unha vida practicamente normal, evitando movementos bruscos nos vindeiros días e dedicando varias horas do días ao paseo.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.