Actualidade
O Burela FS ultima o pase a semifinais da Copa
O Burela FS ultima a preparación para pelexar polo pase a semifinais da XXII Copa Galicia. A fase de cuartos decidirase para os laranxas mañá, nunha eliminatoria a partido único, ante o Noia FS, da Segunda División B; o municipal da localidade coruñesa acollerá o encontro ás 20.45 horas.
O vestiario do Julio Delgado contará coas numerosas ausencias que xa tivo que afrontar no Torneo Triangular de Castropol, no que o Burela FS se alzou campión. Para ampliar rotacións, poderán formar parte da expedición os xogadores do filial Erick, Antón, Fabio e Souka, entre outros. Nacho Pedraza será dúbida ata última hora.
Os outros dous equipos da Primeira División terán as súas respectivas loitas copeiras o xoves: o Santiago Futsal co Talleres ABC Vigo FS (12.30 horas, As Travesas) e o Azkar Lugo ante o Cidade de Narón (18.00 horas, Complexo Deportivo A Gándara).
Soto del Barco, 7 de novembro
O conxunto burelista disputará a súa próxima cita durante a parada da liga o vindeiro mércores, 7 de novembro, cunha nova visita ás terras veciñas de Asturias. O amigable enfrontarao ao Soto del Barco, da Segunda División B, nas instalacións municipais.
Os laranxas xa se mediron ao Soto en pretempada, con 12-1 a favor dos de Julio Delgado.
Categorías
- Actualidade
- Reportaxes
- Equipo masculino
- Equipo femenino
- Pioneiras
- Historia
- Turismo
- Educación
- RSC
- Institucional
- Patrocinadores
Reportajes
Noticias destacadas
Un Pescados Rubén Burela FS con altibaixos sofre en Mengíbar pero logra puntuar e afianzar ese terceiro posto na clasificación.
Nun encontro moi intenso e loitado, as mariñás non mostraron a súa mellor versión cunha primeira parte que lles custou o encontro.
Compricado encontro para o Burela que remata remontando un partido cheo de altibaixos para o conxunto mariñán.