Actualidade
01/12/2012
Derrota ante un gran El Pozo Murcia
Derrota inapelable do Burela Pescados Rubén ante El Pozo Murcia (9-0) que se mantén na loita polo liderado co FC Barcelona.
O conxunto burelense baseou o seu litixio polos puntos nunha ardua e intensa defensa. Con estes argumentos logrou manter o tipo durante o primeiro período aínda que sen probas claras para atacar ao seu poderoso rival. Os murcianos monopolizaron o debate. Aos once minutos, Miguelín achegou a primeira evidencia. Lategazo coa zurda que viaxou directo á escuadra burelense. A segunda proba contundente chegou por mediación do maxistrado, Kike Boned, ao fío do descanso (2-0). Despois do receso, El Pozo Murcia expuxo o seu argumentario ofensivo e nos primeiros cinco minutos sentenciou o duelo. Miguelín, Bebe e Gréllo exerceron de xuíces (5-0) dun Burela Pescados Rubén que se rebelada ante a sentenza anticipada. O equipo dirixido por Julio Delgado recorreu con orgullo pero viuse obrigado a acatar o desenlace final (9-0) dunha loita desigual.
Categorías
- Actualidade
- Reportaxes
- Equipo masculino
- Equipo femenino
- Pioneiras
- Historia
- Turismo
- Educación
- RSC
- Institucional
- Patrocinadores
Reportajes
Noticias destacadas