14/01/2013

Volve o gol ao Burela FS B para impoñerse ao Carballiño (5-3)

Volve o gol ao Burela FS B para impoñerse ao Carballiño (5-3)

O Burela FS Pescados Rubén B recuperou o gol o sábado tras a seca de comezos de ano para volver á senda da vitoria e impoñerse por 5-3 ao Carballiño FS, no inicio da segunda volta de Terceira.



A escuadra de Iván Cao, Lucas, converteuse no dominador dos primeiros vinte minutos, cun bo xogo. Os laranxas presionaron ben en defensa e xeraron numerosas ocasións tras roubo do balón; en ataque non houbo erros que lamentar. Nunha tarde de acerto, Carlitos, que xa fora convocado para a cita previa de Primeira División, abriu o marcador aos 6 minutos, distancia que ampliou Fabio, no 14, e de novo Carlitos, no 17.



Na volta á pista, estreou a súa conta goleadora Manu de saque de esquina, no regreso ás filas laranxas, xa no minuto 21. Con vantaxe de 4-0, a relaxación dos burelistas beneficiou ao Carballiño, que conseguiu reducir a fenda no electrónico ata o 4-3 por erros na defensa dos da Mariña; Carlos apareceu no 23 e pouco despois aproveitouse Gus (24), que volveu perforar a meta local no 32. Nos últimos minutos, o Burela FS tivo que aplicarse para pór a salvo os tres puntos; a tranquilidade asinouna Carlitos de 38, subindo o definitivo 5-3.



Os de Lucas repetirán como locais o vindeiro sábado, recibindo en Vista Alegre ao Eypar Melide, no fondo da táboa, ás 16.30 horas.



 



Ficha técnica



Burela FS Pescados Rubén B: Brais, Bruno de Nois, Fabio, Souka e Keko, no quinteto inicial; tamén  xogaron Erik, Carlos, Manu, Xoia, Hélder  e Pichi



O Carballiño FS: Antonio, Carlos, Álvaro, Aitor e Gus, no quinteto inicial; tamén xogaron  Diego, Javier, Daniel e Cristian                                                                                                       
Goles: 1-0, minuto 6, Carlitos; 2-0, minuto 14, Fabio; 3-0, minuto 17, Carlitos; 4-0, minuto 21, Manu; 4-1, minuto 23, Carlos; 4-2, minuto 24, Gus; 4-3, minuto 32, Gus; 5-3, minuto 38, Carlitos



Árbitros:   Rivas Fouz e Naray Álvarez

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.