22/02/2013

O líder laranxa desafía a solidez da pista sotorrealeña

O líder laranxa desafía a solidez da pista sotorrealeña

O Burela FS Pescados Rubén custodiará a primeira praza da máxima categoría na sólida pista do Soto do Real, oitavo (27 puntos), este sábado ás 18.00 horas.


“É unha das pistas máis complicadas. A súa resolución na casa é das mellores da categoría, con Navalcarnero e nós mesmas” dixo Lucía Nespereira, encomiando os números das locais no seu parapeto, con 6 vitorias, 1 empate e tan só as derrotas ante Lacturale (2-4) e Alicante (3-6). O 15 laranxa cualificó o compromiso de “cita clave” para os intereses burelistas: “Será un partido duro porque os dous nos xogamos moito. Nós non podemos deixar máis puntos polo camiño na loita polo título e elas necesitan a vitoria para asentarse en postos de Copa” explicou a peche laranxa.


A expedición mariñá viaxa coas dúbidas de Dolo, que aínda que adestrou onte aínda presenta certas molestias da sobrecarga lumbar, e Haydee, que tamén realizou a última sesión, chega minguada por unha tendinite de pata de ganso. “As noticias son mellores do que se esperaba; tal e como comezamos a semana, chegamos bastante ben” puntualizou con optimismo a ourensá.


Para o técnico sotorrealeño, Iván Igea, “Burela FS é un dos máis claros aspirantes ao título, que destaca pola súa presión asfixiante e incansable durante os corenta minutos”. “Independentemente do resultado, nós teremos que ser moi precisas na circulación e incisivas de cara á porta” dixo Igea. Segundo a información facilitada desde o club madrileño, Anita será baixa.


A cita de Vista Alegre subiu á cuadrícula galega, con 2-1.


Outras citas da 20ª xornada


Navalcarnero, empatado a puntos coas laranxas (42), visitará a pista do pechacancelas, Centelles (3 puntos). Ciudad de Alcorcón (40) tamén terá un enfrontamento máis accesible que as mariñás, para defender a terceira praza, recibindo a La Rioja (13º, 14 puntos).


Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.