06/04/2013

Demasiados castigo para os laranxas (1-4)

Demasiados castigo para os laranxas (1-4)

O Burela FS Pescados Rubén non puido brindar esta tarde a ansiada vitoria á súa afección para completar o voo da etapa Juanlu. Os laranxas recibiron un castigo excesivo na visita do Ribera Navarra FS a Vista Alegre, con 1-4 , un encontro que recibiu o descanso con táboas (1-1) e que viviu unha vibrante segunda parte, con méritos notables dos mariñáns para a remontada.



A pesar o aviso do Río Renovables xa no primeiro minuto, co oportuno despexe de Cesinha ante Carlos Anós, o Burela FS Pescados Rubén quixo apropiarse do balón e do perigo; Iago Míguez protagonizou o primeiro asedio, antes de cumprirse o minuto 2, de lonxe cun dardo envelenado, raso e lixeiramente desviado. No 4 Juanma, só ante Molina, chegou un pouco tarde ao pase de Mimi e, no 6, con Christian volveu o nerviosismo á área navarra, desde saque de banda de Mimi. Foi entón cando o Ribera reactivou o seu ataque; volveu avisar cunha rapidísima xogada de Andresito, no 8, sobre Edu, e materializou no 9, con proxectil pola escuadra de Charlie (0-1). Con 5 faltas xa no ecuador da primeira parte, os burelistas seguiron buscando a meta contraria. Tras unha batería de tentativas locais, Matamoros asinou o empate a 45 segundos para o final, de dobre penalti, logo dunha falta de Rubi sobre Isi.



Os laranxas regresaron convencidos de ir a polo partido; así o primeiro minuto puxeron en apertos a Molina nun par de ocasións. Pero foron os de Tudela os primeiros en perforar a meta contraria; no 23, Andresito batía a Edu tras pase de Charlie. Con 1-2, as oportunas saídas do gardameta naronés frearon a embestidas rivais. Os de Juanlu non desistiron na remontada, incrementando a súa intensidade en ataque. As oportunidades de Cesinha, no 25, que a punto estivo de colocarse só ante Molina nun pase longo, e Juanma, no 28, de disparo exterior, foron un tímido aviso do verdadeiro asedio laranxa sobre a portería de Molina. En torno ao minuto 30, Iago Míguez dispuxo de dúas magníficas oportunidades, primeiro en galopada á contra e despois ao recoller un rexeitamento de Molina ante Matamoros que finalmente salvou Lolo. Iago e Mata volveron gozar de senllas ocasións no 31. No 33, o pichichi laranxa estrelou un mísil contra o pau, tras o axexo de Juanma que repeleu Molina. Dous minutos máis tarde, Vista Alegre a punto estivo de enfurecer cantando o gol de Isi, un gol que nunca superou a liña de meta grazas á outra aparición de Lolo. Cando máis méritos estaba facendo o Burela FS Pescados Rubén chegou o 1-3, ao executar Nano un penalti, tras a amonestación de Edu sobre David (minuto 36). Os locais reaccionaron con xogo de cinco, encabezado por Mimi; Juanma, aos poucos segundos, e Mata, no 38, tiveron nas súas zapatillas o maior perigo. O 1-4 definitivo subiu ao electrónico, a 41 segundos para o final, a porta baleira, de Rubi.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.