23/05/2013

Desafío madrugador para a Copa de España Bilbao 2013

Desafío madrugador para a Copa de España Bilbao 2013

A escuadra laranxa terá que ser moi madrugadora para o seu próximo desafío. O equipo de Pardeiro inaugurará mañá a Copa de España Bilbao 2013 (24, 25 e 26 de maio) en La Casilla protagonizando o primeiro duelo (10.15 horas), fronte ao Soto del Real, oitavo clasificado na liga.



A expedición do Burela FS Pescados Rubén ao completo partiu hoxe ás 13.30 horas, con rumbo ao hotel Abba Parque de Bilbao. Para as 20.30 está prevista a xuntanza técnica. Unha hora máis tarde a organización reunirá a institucións vascas e representantes dos equipos participantes na cea oficial.



Despois da éxtase de proclamarse campión de liga, o equipo de Pardeiro afronta este novo compromiso con ilusión e, sobre todo, cos pés na terra para seguir intentando mellorar. Como primeiro rival, terá ao Soto del Real, que volve á Copa especialmente motivado tras sete anos de ausencia.



A segunda semifinal, Atlético de Madrid Navalcarnero-Gironella (partido B), será ás 12.30. Ás 17.30 mediranse Ciudad de Alcorcón e Orvina, de onde sairá o inimigo para semifinais (sábado, 17.00) das laranxas, no caso de saír vitoriosas. UA Alicante e Valladolid FS (partido D) terán o primeiro cruzamento ás 20.00 horas. A segunda semifinal (B-D) será o sábado ás 19.15 horas. O domingo a loita polo título arrancará ás 12.30 horas.



Esta será a cuarta participación das burelistas na cita copeira. En 2010, estreáronse en Ourense cun complicadísimo encontro en cuartos ante o Femesala Elche (6-2). Como anfitrioas, en 2011, conseguiron o billete para as semifinais tras vencer o Cajasur Córdoba (4-3); no seguinte chanzo o resultado foi para o Móstoles (2-1). O ano pasado en Valladolid volveron superar os cuartos ante as andaluzas (7-3) e frearon en semis co Atlético de Madrid Navalcarnero (4-0).

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.