11/07/2013

Peñíscola-Benicarló, primeiro obxectivo do Burela FS en Primeira LNFS, o 14 de setembro

Peñíscola-Benicarló, primeiro obxectivo do Burela FS en Primeira LNFS, o 14 de setembro

O Burela FS Pescados Rubén estreará a liga 2013-14 de Primeira División LNFS lonxe da casa; será na pista do novel Peñíscola-Benicarló FS o 14 de setembro.



O calendario, cuxo sorteo foi realizado hoxe na asemblea xeral da LNFS, estará composto por 15 equipos. Tras os valencianos, a escuadra laranxa gozará do ambiente de Vista Alegre dunha semanas consecutivas, con CD Xota Navarra (21 de setembro) e ElPozo Murcia FS (28 de setembro). Completarán os envites mariñáns Azkar Lugo FS, H. Llevant Manacor FS, Umacon Zaragoza, FC Barcelona, Ríos Renovables, Montesinos FS Jumilla, C. Arenas Gran Canaria FS, Jaén Paraíso Interior, Inter Movistar, Santiago Futsal e Marfil Santa Coloma FS. O peche da competición será o 26 de abril de 2014 en terras barcelonesas.




Na primeira volta, o Burela FS e A Mariña tamén gozarán do fútbol sala dos todopoderosos FC Barcelona (xornada 7, 19 de outubro) e Inter Movistar (xornada 13, 30 de novembro). Os derbis galegos ante a bancada laranxa resistiranse ata o cambio de ano, coa visita de Azkar Lugo FS o 11 de xaneiro de 2014 (xornada 19) e do Santiago Futsal o 26 de abril, na penúltima xornada.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.