Estrea de "Non era un soño", a película do doblete
Trátase dun vídeo documental duns 50 minutos no que se suceden entrevistas personalizadas con cada unha das xogadoras, membros do equipo técnico e dirixentes do equipo campeón, e que está dividido en varios bloques temáticos:
• Recordos do 11 de maio de 2013
• Como se prepara un partido decisivo
• O primeiro gol marcouno Vista Alegre
• 40 minutos para 1 Liga
• Para un gran triunfo fai falta un gran rival
• A Copa de España: un doblete histórico
• A afección do Burela FS: o sexto xogador
• A recompensa ó traballo ben feito
A reportaxe inclúe imaxes da retransmisión do partido de Liga en directo pola Televisión de Galicia, da final da Copa de España cedidas polo clube Stilo Berrio FK de Bilbao e outras imaxes inéditas de Arracada Produccións de como se viviu aquel último partido de Liga a pé de pista. Unha das colaboracións máis chamativas é a do coñecido locutor da radio deportiva Pepe Domingo Castaño, seguidor confeso do clube burelés, que se prestou a gravar a parte introductoria da película.
A reportaxe está producida e realizada pola empresa burelesa Arracada Produccións en colaboración con Logaidea Comunicación e co patrocinio de empresas e entidades relacionadas co clube: Pescados Rubén, Galipizza Pizzbur-Franquicias, Mancomunidade de Concellos de A Mariña Lucense, Armadores de Burela ABSA e Concello de Burela.
Este proxecto audiovisual ideouse nas semanas previas a aquel decisivo último partido de Liga en Vista Alegre, comenzouse a gravar nos días anteriores ó choque e as entrevistas coa plantilla realizáronse nos días que seguiron ó título da Copa de España. Esa é un dos grandes reclamos da reportaxe: a narración en primeira persoa polas propias campeonas de Liga e Copa das súas vivencias e emocións naquelas datas.
O obxectivo desta iniciativa é render unha merecida homenaxe ó equipo feminino do C.D. Burela FS Pescados Rubén, campeón do histórico doblete que acabou por situar a Burela no mapa deportivo nacional. O que se pretende é axudar a gardar un recordo a partir de agora imborrable na memoria dos seguidores do equipo, dos veciños de Burela e de toda a Mariña de Lugo, otorgando o valor que se merece a uns logros que non se van poder repetir facilmente no futuro.
Categorías
- Actualidade
- Reportaxes
- Equipo masculino
- Equipo femenino
- Pioneiras
- Historia
- Turismo
- Educación
- RSC
- Institucional
- Patrocinadores
Reportajes
Noticias destacadas