02/10/2013

O Ximnasio Breogán reafirma o seu compromiso co CD Burela FS

O Ximnasio Breogán reafirma o seu compromiso co CD Burela FS
O Ximnasio Breogán vén de reafirmar o compromiso que mantén co CD Burela FS Pescados Rubén dende hai case unha década. O presidente da entidade laranxa, Manuel Blanco, desprazouse onte ata o centro deportivo da localidade burelá para formalizar a renovación do convenio co seu xerente, Alberto Prado, e agradecer unha tempada máis “a valiosa axuda que supón para os nosos deportistas poder gozar dunhas instalacións de calidade nas que reforzar o traballo semanal que desenvolven sobre a pista”. O Ximnasio Breogán, situado na rúa Álvaro Cunqueiro, número 1, contribúe á preparación dos equipos de Primeira División LNFS e RFEF do Burela FS cedendo o uso de toda a súa infraestrutura tanto en pretempada coma ao longo de toda a competición ligueira, cunhas instalacións de máis de 200 metros cadrados. O establecemento deportivo dispón dunha ampla oferta de servizos, entre os que destacan actividades con aeróbic, step, batuka, bailes de salón, danza oriental, sauna, kick boxing, musculación e cardio. Máis información en www.ximnasiobreogan.com.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.