O dobrete das campioas, galardoado nos Premios El Progreso ao Deporte Lucense

O histórico dobrete do campión laranxa foi recoñecido polos lectores do xornal El Progreso de Lugo, como o gañador da categoría de Fútbol Sala. O presidente do CD Burela FS Pescados Rubén, Manuel Blanco, recolleu o galardón na gala que acolleu onte o auditorio Gustavo Freire de Lugo, coa emisión de Telelugo. A entidade burelista tamén estivo representada polo vicepresidente, José Luis Sáez, e o directivo Auditor Rodríguez, xunto ao fundador de Pescados Rubén, Rubén Blanco. Un total de 38 deportes foron homenaxeados na novena edición dos Premios El Progreso ao Deporte Lucense, co recoñecemento principal para a atleta Alessandra Aguilar.