22/01/2014

O tridente máis demoledor de Primeira

O tridente máis demoledor de Primeira
Peque, Lidia e Maite repártense case o 80% dos tantos do Burela Pescados Rubén e xa marcaron máis goles que 9 dos 16 equipos que compiten na máxima categoría. Ningún equipo da Primeira División feminina conta cun tridente tan demoledor como o que forman Peque, Lidia Mesías e Maite no Burela Pescados Rubén.

Entre as tres marcaron 46 dos 60 goles anotados polo equipo laranxa nos 14 partidos disputados. Peque leva 25; Lidia, 11; e Maite, 10. Sumando a achega realizadora destas tres xogadoras, o resultado é superior á cifra goleadora que presentan máis da metade dos 16 equipos na máxima categoría: Vallirana (23), Orvina (25), Soto do Real (28), Amarelle (29), Rioja (29), Valdetires (29), Gironella (30), Móstoles (31) e As Burgas (35).

Peque encabeza o ránking das mellores goleadoras de Primeira. Marcou en 11 dos 14 partidos disputados e nos seis últimos promedia case tres tantos por encontro. Fíxolle un gol ao Orvina, catro ao Gironella e ao Roldán, tres ao Móstoles e dous ao Poio e ao Ponte Ourense.

Fonte: La Voz de Galicia - A Mariña

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.