15/02/2014

Triunfo contundente das burelistas sobre As Burgas (0-7)

Triunfo contundente das burelistas sobre As Burgas (0-7)

O CD Burela FS Pescados Rubén resolveu o seu segundo derbi galego da segunda volta con contundencia. A escuadra de Quico Otero non tivo demasiadas complicacións para impoñerse esta tarde sobre ao Cidade das Burgas, cun claro 0-7, con hattrick goleador da pichichi mariñá, Peque, e dobrete da meta Jozi.



As laranxas saltaron á pista dos Remedios para facer fronte a un rival moi pechado, á expectativa. Aos poucos as filas burelistas atoparon os ocos idóneos para comezar a mover o electrónico. Así, no minuto 9, Peque inaugurou con 0-1 cun belísimo disparo desde os dez metros que se coou pola escuadra. Bea Mateos completou a feitura goleadora da primeira parte para o Pescados Rubén no 16, aproveitando un rexeite da porteira ourensá a lanzamento de Cris.



Tras o descanso, as locais mantiveron as súas posicións sen intención de efectuar saídas sobre a pista laranxa. No minuto 29, Peque volveu atopar a rede das Burgas tras un cortar un pase das ourensás e colocarse soa ante a meta rival. Tan só un minuto despois a pichichi do Burela FS culminou o 0-4, asistida por Lidia, tras un saque rápido de Jozi. No minuto 36 o Cidade intentou frear as embestidas das mariñás co xogo de cinco, pero os seus desexos chocaron coa realidade. En poucos segundos, a gardameta Jozi anotou o 0-5 a porta baleira. O conxunto das Burgas pelexou ata o final sen xerar perigo. Xa na recta final Lidia e Jozi volveron atopar gol en porta baleira, completándose o definitivo 0-7. As burelistas cumpriron o obxectivo para seguir á caza do líder.



Con 46 puntos, deberán esperar a mañá para ver qué pasa co duelo directo entre Atlético de Madrid Navalcarnero (47) e Ciudad de Alcorcón (43).



Ficha técnica



Cidade das Burgas FS: Ana, Natalia, Sonia, Iria e Nerea, cinco inicial; tamén xogaron Candela, Elvira, Antía, María Arias e Elena



Burela FS Pescados Rubén: Jozi, Peque, Bea Mateos, Claudia e Daniela, cinco inicial; tamén xogaron Lidia, Cris e Silvia



Goles: 0-1, minuto 9, Peque; 0-2, minuto 16, Bea Mateos; 0-3, minuto 29, Peque; 0-4, minuto 30, Peque; 0-5, minuto 36, Jozi; 0-6, minuto 39, Lidia; 0-7, minuto 39, Jozi



Árbitros: Andrés Fernández // Miguel Ángel Restejo (Ourense)



Tarxetas: Por Cidade das Burgas amarelas a Sonia e Candela

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.