17/02/2014

O Burela FS B imponse aos vilalbeses con hattrick de Manu e dobrete de Xoel (4-6)

O Burela FS B imponse aos vilalbeses con hattrick de Manu e dobrete de Xoel (4-6)

O Burela FS Pescados Rubén B impúxose en derbi provincial ao pechacancelas de Terceira, Vilalba Peugeot FS, con hattrick de Manu e dobrete de Xoel, ademais da contribución de Antón González. Os laranxas valéronse da renda da primeira parte, con 2-4, para facerse cos tres puntos despois dun segundo período no que os locais conseguiron acurtar distancias ata o 4-5.



Antes do minuto 5, os mariñáns xa dominaban o marcador con vantaxe de 0-2. O Vilalba soubo reaccionar ante as adversidades pero non freou os de Lucas, que chegaron ao descanso con 2-4.



Na segunda parte, Manu, sublime no seu regreso ás pistas, marcou o terceiro da súa cuadrícula persoal na cita. Nos últimos cinco minutos, os locais que pelexaron pola remontada con Púas e Aitor (minutos 35 e 39), pero Xoel deulle a tranquilidade necesaria á escuadra visitante co 4-6 definitivo nos últimos segundos.



O Leis Pontevedra, dende o cumio da clasificación, visitará o vindeiro sábado A Mariña para medirse aos pupilos de Lucas na 19ª xornada (Vista Alegre, 16.00 horas)



Goles: 0-1, Manu, minuto 1; 0-2, Antón González, minuto 4; 1-2, Roi, minuto 12; 1-3, Manu, minuto 15; 1-4, Xoel, minuto 17; 2-4, Miguilla, 26; 2-5, Manu, minuto 35; 3-5, Púas, minuto 35; 4-5, Aitor, minuto 39; 4-6, Xoel, minuto 40

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.