07/03/2014

Festa mariñá en Vista Alegre: Burela FS-Xove FS (sábado 8, 17.00 horas)

Festa mariñá en Vista Alegre: Burela FS-Xove FS (sábado 8, 17.00 horas)

Vista Alegre vivirá mañá unha festa mariñá do fútbol sala co sempre apaixonante derbi entre o Burela FS Pescados Rubén FS B e Pizzería A Fuga SD Xove FS. O encontro da 21ª xornada de Terceira División dará comezo ás 17.00 horas, con dous equipos fronte a fronte en duelo de contrastes.



A falta de seis xornadas para o remate ligueiro, o cadro laranxa pelexa pola cuarta praza, empatado a 35 puntos coa Estrada FS, que se deberá medir esta fin de semana ao segundo clasificado, Concello de Vigo IES Coruxo. Pola contra, os xovenses encaran o derbi pechando a táboa, con 12 puntos.



“Chegamos moi ilusionados polas opcións de escalada que estamos xerando nas últimas xornadas” aseguraba con optimismo o técnico laranxa, Lucas, non sen advertir da complexidade e falta de previsión dos derbis. “Será un partido duro, xa non só pola motivación que se respira neste tipo de enfrontamentos, senón porque o Xove chega con necesidade de puntos e virá a por todas” adiantaba o adestrador. "Debemos aproveitar o calendario para intentar engancharnos ao podio, a tan só dous puntos; aos nosos rivais aínda lles quedan enfrontamentos directos e nós, pola contra, medirémonos a equipos de abaixo, excepto Pazos, que está na sexta praza" explicaba así o laranxa as posibilidades do seu conxunto.



Lucas non poderá dispoñer de Bruno de Nois, que tivo que retirarse da pista a xornada pasada por unha nova fisura do quinto metatarso. Como boas novas, volven á competición Antón Couto e Manu, recuperados xa da lesión de clavícula e escordadura de xeonllo respectivamente. O técnico laranxa completará a convocatoria coa presenza do xuvenil Renato Lopes.



Na primeira volta, os tres puntos foron para os burelistas 1-3.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.