25/03/2014

O xuvenil Hélder estará con Galicia Su-19 na final do Campionato de España

O xuvenil Hélder estará con Galicia Su-19 na final do Campionato de España

O xuvenil do CD Burela FS Pescados Rubén estará con Galicia Sub-19 no periplo da fase final do Campionato de España de Seleccións Autonómicas, que se disputará esta fin de semana en Santa Coloma de Gramanet. A localidade barcelonesa acollerá a pelexa polo título o sábado 29 e domingo 30 coa presenza de Galicia, Rexión de Murcia, Andalucía e Cataluña.



Os irmandiños estrearán as semifinais ante os murcianos no municipal Nou, o sábado ás 10.00 horas. Ás 12.00 mediranse andaluces e cataláns. A final, prevista para o domingo, será as 12.00 horas.



O combinado de Ramón Francisco Barreiro Pose, que iniciará a concentración o xoves en Santiago de Compostela, estará composto ademais por Francisco Manuel Núñez, do Verín FS; Alberto Fernández, Samuel Fernández e Adrián Torres, do Santiago Futsal; Miguel Ángel Rodríguez, do CD Beade; Rubén Mouriz; Adrián González e Alejandro Diz, do Azkar Lugo FS; Ángel López e Ignacio Rodríguez, do Parrulo FS; e Ismael Vázquez, Vilalba FS.



Ademais de Hélder, a Selección Galega gañou o pase a esta fase coa participación do gardameta laranxa Erik Campo. Os irmandiños impuxéronse 1-4 a Estremadura e 3-2 a Madrid.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.