05/03/2015

A burelista Paula parte hoxe na expedición de Galicia Sub-21 cara á final do Campionato de España

A burelista Paula parte hoxe na expedición de Galicia Sub-21 cara á final do Campionato de España

A burelista Paula Cortiñas viaxa de novo hoxe con Galicia Sub-21 cara á fase final do Campionato de España de Seleccións Territoriais que se disputará en Murcia esta fin de semana, 7 e 8 de marzo.



O combinado irmandiño, con José Luis Sáez como xefe de expedición, medirase en semifinais á Rexión de Murcia o sábado, ás 12.00 horas (municipal Gabriel Pérez de Roldán). Unha hora antes enfrontaranse Cataluña e a Comunidade Valenciana. A cita definitiva será o domingo, ás 12.00 horas.




Xunto á laranxa, defenderán a camisola branca e azul Alejandra de Paz e Belén Feal, do Valdetires FSF; Laura Doce, do Fervenza FSF; Claudia Martínez e Nerea Moldes, do Poio FS; Ana Rivera e María Romero, do CD Ourense; Eva Lema, do Viaxes Amarelle FSF; e Ana López, Vanessa Sotelo e María Arias, do Cidade das Burgas.




Fase previa. As galegas impuxéronse con solvencia na fase previa disputada en xaneiro en Ourense, con triunfos ante  Madrid (8-0) e Aragón (8-1).




Galicia Cadete




Na preparación do Nacional tamén está inmersa a selección cadete; hoxe realizará un novo adestramento en Santiago de Compostela cos burelistas Cristian Rivas e Daniel Bertolo.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.