29/06/2015

Jorge Bellvert, sétima renovación na Mariña

Jorge Bellvert, sétima renovación na Mariña

O peche Jorge Bellvert formalizou a súa continuidade no Burela FS Pescados Rubén, por dúas tempadas máis, na oficina do Grupo Chave de Ouro, patrocinador do xogador en 2014-15, xunto ao xerente da empresa construtora, Óscar Sobrado, e o presidente laranxa, Manuel Blanco. O cacereño convértese na sétima renovación do equipo mariñán tras Iago Míguez, Antoñito, Carlitos, Chano, Isi e o ata agora xuvenil Hélder.



“Traballo defensivo e loita para o equipo” volverán ser a firma do sempre correcto e eficaz Jorge Bellvert para a súa segunda tempada en Burela. “Se temos máis fortuna coas lesións poderemos estar entre os oito primeiros” declaraba o peche laranxa con optimismo, tras “unha boa tempada en liñas xerais, co momento histórico da Copa, aínda que dúas lesións, non graves pero si aparatosas, impedíronme contribuír todo o que desexaría”.

Jorge aplaude a chegada do mítico Daniel Ibañes ao banco burelista. “Foi xogador, un dos mellores, e por iso creo que nos entenderá, e nós a el, en moitos apectos do xogo e da tempada”.



Desde o club, Manuel Blanco destacou a renovación do 3 laranxa como “un aval na solidez defensiva do equipo”.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.