Actualidade
Primeiro envite de Copa superado: 1-6 ante o Leis
O Burela FS Pescados Rubén superou onte o primeiro envite de Copa Galicia con 1-6 na visita á pista do Leis Marcón, de Segunda División. Aos tantos por partida dobre de Gaby e Maite e a diana de Ceci, sumouse a novísima Judith, estreando a súa conta goleadora coa elástica laranxa.
O cadro de Iván Cao, Lucas, puido liquidar a contenda distanciándose no marcador axiña ante un rival con pouco perigo sobre as filas mariñás. Ceci abriu a lata xa no minuto 3, aproveitando un rexeite do pau á tentativa de Claudia. Acto seguido, Gaby recibía dentro da área tras roubo de Maite para subir o 0-2. As locais reduciron distancias no 8, nas zapatillas de Ana, pero Maite volveu afastar as burelistas no 14.
Tras o descanso, Gaby anotou o 1-4 en xogada individual desde a banda (minuto 23). Bea, nos minutos 27 e 28, asistiu a Maite e Judith para o definitivo 1-6.
O equipo de Lucas retomará os adestramentos o vindeiro luns.
Próximos rivais. O conxunto mariñán aínda terá que medirse en fase de grupos ao Poio Pescamar FS, de Primeira, e Olivo FS, de Autonómica, con datas pendentes de confirmación. Estes dous rivais xa se viron as caras, con 15-1 a favor do primeiro.
Ficha técnica
Leis Marcón: Tamara, Paloma, Carla, Mar, Lara, cinco inicial; tamén xogaron Beatriz, Jessica, Tania, Ana, Patricia, Alicia, Iria
Burela FS Pescados Rubén: Andrea, Claudia, Gaby, Ceci, Maite, cinco inicial; tamén xogaron Lara, Bea Mateos, Judith
Goles: 0-1, minuto 3, Ceci; 0-2, minuto 4, Gaby; 1-2, minuto 8, Ana; 1-3, minuto 14, Maite; 1-4, minuto 23, Gaby; 1-5, minuto 27, Maite; 1-6, minuto 28, Judith
Árbitros: González Lubián // Castro Nantes (Pontevedra)
Categorías
- Actualidade
- Reportaxes
- Equipo masculino
- Equipo femenino
- Pioneiras
- Historia
- Turismo
- Educación
- RSC
- Institucional
- Patrocinadores
Reportajes
Noticias destacadas