04/12/2015

O parapeto burelista, a proba ante o titánico Barcelona (sábado 5, 16.15 horas) en Tarde Laranxa

O parapeto burelista, a proba ante o titánico Barcelona (sábado 5, 16.15 horas) en Tarde Laranxa

O Burela FS Pescados Rubén finaliza mañá o seu especial Tourmalet do calendario coa visita do titánico FC Barcelona Lassa. Os pupilos de Daniel Ibañes abrirán a Tarde Laranxa de Vista Alegre ás 16.15 horas poñendo a proba a seu mausoleo na recta final antes do chegar ao ecuador fronte á grandiosidade do actual segundo clasificado. A cita tamén poderá seguirse en directo a través de TVG2 e Esport3.



Desde a oitava praza, con 18 puntos, o equipo mariñán traballou para recibir con uñas e dentes mañá o Barcelona, na penúltima oportunidade para manterse no gran soño da Copa de España Guadalaxara 2016. Xa está todo preparado en Vista Alegre para acoller un emocionante espectáculo dentro e fóra da pista.



Na súa filas, o Pescados Rubén non poderá contar con Matamoros, que aínda arrastra molestias por tendinite; entrará na convocatoria Aitor, do filial. Sergio Lozano será a grande ausencia do banco catalán, por lesión.




Convocatoria CD Burela FS Pescados Rubén: 1. Edu, 5. Iago Míguez, 7. Isi, 9. Iago Rodríguez, 11. Chano, 13. Álex, 17. Carlitos, 18. Jorge Bellvert, 20. Chino, 23. Antoñito, 30. Hélder



Convocatoria FC Barcelona Lassa: 1. Cristian, 2. Aicardo, 4. Tolrà, 7. Dyego, 8. Lin, 10. Batería, 11. Saad, 13. Wilde, 14. Ferrao, 21. Juan Emilio, 22. Esteban, 28. Paco Sedano



Acceso a Vista Alegre



Vista Alegre abrirá mañá portas e taquilla ás 15.00 horas. O club burelista puxo á venda un total de 1.200 localidades para presenciar o espectáculo. As entradas de socios poderán adquirirse ata as 16.00 horas; a partir desa hora poderán liberarse no caso de que se necesiten.



Os socios accederán ás instalacións pola Porta 1 e os non socios pola Porta 4.



Sorteo de Acia Burela



Os afeccionados máis madrugadores poderán optar ao sorteo dun vale de compra de Acia Burela; o gañador anunciarase antes do comezo do partido.



Campaña de recollida de xoguetes



Un ano máis a peña A Pataca Naranxa, en colaboración con Cruz Vermella, pon en marcha a campaña de Nadal de recollida de xoguetes. Ata o luns 21 de decembro todas as persoas interesadas poderán depositar as súas doazóns no pavillón Vista Alegre; tamén poderán poñerse en contacto a través do número 607 748 786 para recollida a domicilio.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.