11/12/2015

Vista Alegre pelexa pola liga

Vista Alegre pelexa pola liga

Vista Alegre, a afección laranxa e o Burela FS Pescados Rubén pelexarán mañá por seguir axexando de preto o titánico Atlético de Madrid Navalcarnero. O líder de Primeira RFEF pisará o parqué cunha traxectoria impecable, invicto nos seus 10 compromisos e máximo goleador da elite 201-16, con 71 goles a favor e 16 en contra. A pugna no cume, entre a primeira praza madrileña (30 puntos) e a segunda mariñá (25), dirimirase a partir das 18.30 horas e poderá seguirse en directo por streaming. PINCHA AQUÍ



As pupilas de Iván Cao ‘Lucas’ avalaranse na súa solidez defensiva, como conxunto menos goleado da categoría (13 tantos encaixados), e no espírito e garra da bomboneira para romper todas as quinielas e bater a imbatibilidade da estelar escuadra capitalina.



No vestiario burelista, xunto á ausencia da xaponesa Shiori, cunha rotura parcial do ligamento cruzado anterior que a materá afastada durante meses das pistas, tampouco estará Claudia, por unha rotura muscular. Será dúbida Gaby, por molestias nun nocello. Nas filas madrileñas, segundo as declaracións de Andrés Sanz á La Voz de Galicia, non haberá baixas.




CD Burela FS Pescados Rubén: 1. Jozi, 7. Peque, 9. Gaby, 10. Lara, 11. Ceci, 13. Andrea C., 14. Bea Mateos, 15. Judith, 17. Maite, 31. Eva



 



Campaña de recollida de xoguetes



Un ano máis a peña A Pataca Naranxa, en colaboración con Cruz Vermella, pon en marcha a campaña de Nadal de recollida de xoguetes. Ata o luns 21 de decembro todas as persoas interesadas poderán depositar as súas doazóns non pavillón Vista Alegre; tamén poderán poñerse en contacto a través do número 607 748 786 para recollida a domicilio.



Copa Galicia



O equipo de Lucas centrarase a próxima semana na Copa Galicia con dobre duelo antes de medirse en liga ao Jimbee Roldán FSF. O mércores, día 16, Vista Alegre recibirá o Poio Pescamar ás 20.00 horas, con taquilla solidaria en favor da Asociación Protectora de Animais Bigotes de Burela. O xoves, 17, desprazarase a Vigo para medirse ao Olivo FSF a partir dás 21.15 horas.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.