29/01/2016

O Pescados Rubén arrinca a segunda volta na pista do farol vermello

O Pescados Rubén arrinca a segunda volta na pista do farol vermello

O CD Burela FS Pescados Rubén xa está en terras alacantinas para estrear mañá a segunda volta na pista do Elche Oh! My Sandals, farol vermello de Primeira RFEF (Esperanza Lag, 19.00 horas).



As pupilas de Iván Cao, Lucas, mediranse a un rival que pecha a táboa con 2 puntos. As ilicitanas non puntúan desde a novena xornada, cando empataron fronte ao Valdetires (4-4); antes, quedaron en táboas con Orvina, na segunda xornada, sen goles. “Non podemos confiarnos; a semana pasada xa tivemos un toque de atención. En Vista Alegre xa nos puxeron as cousas difíciles, cun 2-1 moi axustado. Teremos que ter paciencia para atacar a súa defensa zonal, algo ao que non estamos afeitas” advertía en técnico laranxa, incidindo ademais no obxectivo de recuperar o bo xogo para as filas burelistas: “Temos que dar boa imaxe; ademais de sacar os tres puntos debemos ser fieis ao noso xogo”, puntualizaba Lucas.



O vestiario laranxa, que recupera a Jozi e Maite para mañá, realizará o último adestramento da semana esta tarde, ás 17.30 horas.



Cun par de puntos de vantaxe sobre as mariñás, o Atlético de Madrid Navalcarnero defenderá o liderat¡do esta semana recibindo o Cidade das Burgas, oitavo clasificado.



CD Burela FS Pescados Rubén: 1. Jozi, 3. Dany, 5. Claudia, 7. Peque, 9. Gaby, 10. Lara, 11. Ceci, 13. Andrea C., 14. Bea Mateos, 17. Maite

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.