23/08/2016

Grupo Vega, autocares oficiais do Burela FS Pescados Rubén

Grupo Vega, autocares oficiais do Burela FS Pescados Rubén

O CD Burela FS Pescados Rubén chegou a un acordo co Grupo Vega como “autocares oficiais” da entidade para a tempada 2016-17. O presidente laranxa, Manuel Blanco, recibiu o xerente da empresa asturiana, Israel Vega, na sede do club para formalizar a devandita colaboración.



Máis de 40 anos de experiencia no sector avalan a profesionalidade da firma que se responsabilizará dos desprazamentos por toda España tanto dos equipos laranxas de Primeira División como da base na campaña que está a piques de arrincar. “Depositamos a nosa confianza nunha empresa que reúne experiencia, calidade e seguridade cos mellores servizos para garantir a tranquilidade e o descanso dos nosos xogadores e xogadoras” explicaba Manuel Blanco. Pola súa banda, o xerente da empresa asturiana destacou a súa traxectoria na parcela deportiva e os beneficios do acordo co Pescados Rubén: “No Grupo Vega sempre tivemos arraigamento con equipos e entidades deportivas; o acordo co CD Burela FS Pescados Rubén é un paso adiante para afianzar proxectos con clientes de referencia” explicaba Israel Vega, agradecendo a confianza da entidade laranxa e incidindo na súa nova aposta polo transporte na Mariña como “unha zona moi próxima ao lugar de orixe da nosa empresa, pola que temos moito apego porque a nosa familia a visitou durante toda a vida”.



Toda a información sobre o Grupo Vega en www.grupovega.info/




 

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.