27/10/2016

En semifinais de Copa Galicia

En semifinais de Copa Galicia

O Pescados Rubén conseguiu onte o pase a semifinais da XXVI Copa Galicia con empate ante o Viaxes Amarelle FSF (2-2), de Segunda División. As mariñás acceden á seguinte eliminatoria como primeiras do Grupo A grazas á renda goleadora con vitoria de 0-7 ante o Ribadeo FSF fronte ao 5-2 das coruñesas.



 “O importante era a clasificación e conseguímola” aseguraba o adestrador laranxa, Iván Cao, Lucas, manifestando certos desaxustes nas filas do Pescados Rubén que marcaron os tempos da cita: “Faltou un pouco de intensidade en momentos do partido e tamén acerto na finalización” xustificaba o focego, incidindo en que “o maior sufrimento estivo condicionado pola vantaxe curta, non polo perigo do rival”. A vantaxe chegou axiña a través dun roubo de Silvia Rubal, xa no minuto 2, fenda que ampliou Elvira no 14, finalizando ao segundo pau unha xogada combinativa. O Amarelle puido acurtar distancias segundos despois, co 2-1, de Mariña. No segundo período, as coruñesas puxeron táboas, no 28, cun disparo de falta que tocou en Cilene en última instancia. As da Mariña mantiveron o empate válido a pesar do xogo de cinco.



 



Todos os resultados de Copa Galicia




Ficha técnica
Pescados Rubén-Burela FS:
Jozi, Dany, Silvia, Bea Mateos, Cilene, cinco inicial; también jugaron Sofía, Lara, Betim, Shio, Elvira
Pescamar Poio FSF: Sandra, Dolo, María Gómez, Patri, Lago, cinco inicial; también jugaron Xiana, Sheila, Mariña, Alba, Carmen
Goles: 1-0, minuto 2, Silvia; 2-0, minuto 14, Elvira; 2-1, minuto 14, Mariña; 2-2, minuto 28, Cilene (p.p.)
Árbitros: Fernando Bello (Lugo) // Jorge Goyos (Viveiro)
Incidencias: Partido da fase de grupos da XXVI Copa Galicia disputado en Vista Alegre ante uns 200 afeccionados/as.



A Liga por TVG2. O cadro de Lucas e Julio volverá á liga o sábado, con Derbi Irmandiño na oitava xornada de Primeira RFEF; será na casa do outro clasificado ata o momento para semifinais da Copa Galicia, o Pescamar Poio FSF, con emisión en directo de TVG2 (16.30 horas). “Será un partido de ti a ti, moi complicado, fronte a un rival que mestura moi ben veteranía e xuventude e que na casa sempre está moi arroupado pola súa afección“ advertía o técnico burelista, Lucas do equipo no que esta tempada milita a ex–laranxa Ceci.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.