14/12/2016

Clasificación histórica para semifinais de Copa do Rei

Dous tantos consecutivos, de Iago Míguez e Matamoros, deixaron o partido case resuelto no minuto 36
Clasificación histórica para semifinais de Copa do Rei

O Pescados Rubén completou este mércores o cadro de semifinais da Copa do Rei de fútbol sala ao gañar no último partido de cuartos de final a domicilio ao Gran Canaria FS por 2-4, polo que loitará polo título co Magna Gurpea, Levante e ElPozo Murcia, que selaron a súa clasificación onte. O sorteo decidirá os cruzametos da eliminatoria, de ida e volta, o vindeiro martes, 20 de decembro.



Tras unha primeira parte sen goles, adiantáronse os canarios por mediación de Pablo Salado ao comezo da segunda metade, aínda que inmediatamente empataron os visitantes cun tiro afastado de Cuco, que devolvía a igualdade ao marcador. O conxunto mariñán sentenciou a eliminatoria con dúas dianas marcadas de forma consecutiva por Iago Míguez e Matamoros, que deixaron o partido case resolto no minuto 36. O Gran Canaria apostou entón por utilizar ao porteiro-xogador e Juanillo reduciu distancias a dous minutos do final, aínda que o Pescados Rubén soubo aproveitarse da situación e sentenciou o partido cun gol desde a súa portería do gardameta Miñano.



Fonte: El Progreso



Mañá xa tocará cambiar de chip a primeira hora, voando cara a Barcelona; o venres o Pescados Rubén volverá á liga, no terceiro partido en menos dunha semana, fronte a Catgas Energía (21.00 horas, TV3)



Ficha técnica



Gran Canaria FS: Igor, Anás, Pablo Salado, Juanillo, Julio, cinco inicial; tamén xogaron Saúl, Pepe, Bingyoba, Montero, Pichi



Pescados Rubén Burela FS: Miñano, Iago Míguez, Isi, Matamoros, Antoñito, cinco inicial; tamén xogaron Iago Rodríguez, Petry, Bellvert, Cuco



Goles: 1-0, minuto 27, Pablo Salado; 1-1, minuto 28, Cuco; 1-2, minuto 36, Iago Míguez; 1-3, minuto 36, Matamoros; 2-3, minuto 38, Juanillo; 2-4, minuto 38, Miñano



Incidencias: Partido de cuartos de Copa do Rei disputado no Centro Insular de Deportes de Gran Canaria FS

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.