15/12/2016

Confianza, ganas e ilusión para ir a pola sexta consecutiva

Confianza, ganas e ilusión para ir a pola sexta consecutiva

Tras o histórico pase a semifinais de Copa do Rei de onte ante Gran Canaria FS, o Pescado Rubén Burela FS xa está no último destino do o seu tour particular en 6 días; mañá medirase na 11ª xornada de liga ao Catgas Energía (21.00 horas, Esport3 en directo) en busca da terceira vitoria en menos dunha semana e a sexta consecutiva. “Compensaremos o cansazo con ganas e ilusión, ademais da confianza que nos deron as dúas vitorias seguidas nas illas” explicaba o laranxa Joan Miñano, protagonista por partida dobre onte, que ademais de defender a rede mariñá sentenciou o resultado con 2-4 definitivo na recta final do encontro.



O gardameta catalán mostrou unha “satisfacción enorme” polo seu papel na cita copeira encomiando a capacidade de serenidade e paciencia do equipo: “Soubemos aguantar nunha primeira parte que nos custou moito, condicionados polo resultado favorable de liga tan só catro días antes, cun rival que soubo apertar”. Con poucas horas de celebración, o conxunto galego subiuse ao avión rumbo a Barcelona ás 7.00 da mañá para recalar na terra do 20 laranxa. “Volver a esta pista é para min moi especial, onde xoguei desde os 9 anos. Aproveitarei para ver a familiares e amigos tamén, claro”, explicaba Miñano.



Desde a novena praza (15 puntos), o Pescados Rubén medirá a súa boa etapa numérica e anímica a un sólido Catgas Energía, que non coñece a derrota no seu feudo; ocupa a cuarta praza (20 puntos) e chega coa espiña de quedar apeado de Copa do Rei, logo de encadear as vitorias ligueiras fronte a Canarias (5-3) e Santiago Futsal (3-7). “Creo que a nosa baza será a solidez en defensa. Catgas ten un ataque moi efectivo; se conseguimos defender ben como equipo poderemos facer moito dano á contra”, advertía o meta mariñán.



A expedición burelista, que adestrou esta tarde en Santa Coloma, non terá cambios con respecto aos dous compromisos anteriores, cos canarios: 5. Iago Míguez, 7. Isi, 9. Iago Rodríguez, 10. Matamoros, 12. Petry, 13. Álex, 18. J. Bellvert, 20. Miñano, 21. Cuco, 23. Antoñito. O técnico cumprirá o segundo e último partido de sanción tras a amoestación nas Canarias, de liga.



 



Convocatoria Catgas Energía: 31 Prieto e 15. Esteve (porteiros), 4.Pablo, 8.Dani Salgado, 9.Javi Rodríguez, 10.Sepe, 11. Maxi, 12. Corvo, 13. Rangel, 16. David, 17.Rafa López, 21.Sergio.



 



Sorteo de Copa do Rei



O cadro mariñán coñecerá a identidade do seu rival na primeira semifinal da historia laranxa o vindeiro martes, 20 de decembro, entre Levante UDDM, Magna Gurpea e ElPozo Murcia, que se impuxeron a Jaén Paraíso Interior (4-1), Valdepeñas (2-7) e Catgas Energia (3-5). A ida está programada para o 18 de xaneiro e a volta para o 8 de febreiro.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.