19/12/2016

Vista Alegre baixa o pano de 2016

Vista Alegre baixa o pano de 2016

Vista Alegre baixará mañá o pano de 2016 coa visita de Aspil Vidal Ribera Navarra (21.00 horas), na 12ª xornada de Primeira División, que contará coa presenza do seleccionador nacional, José Venancio López Hierro.



Desde a novena praza, con 15 puntos, os pupilos de Daniel Ibañes buscarán reafirmar a fortaleza da Bomboneira nunha cita que se prevé moi rifada; veranse as caras co undécimo clasificado (13 puntos), que chega con dúas vitorias consecutivas, fronte a Jumilla (2-5) e Canarias (4-0). Coa despedida de Vista Alegre, os mariñáns completarán o seu cuarto compromiso en tan só 11 días perseguindo o cuarto triunfo na casa para pechar o ano ao grande ante a Marea Laranxa.



A última vez que ambas as escuadras se enfrontaron foi en oitavos da Copa do Rei con 2-4 para os galegos.



En principio, Daniel Ibañes poderá contar con todos os seus efectivos, a excepción de Edu; o equipo realiza a súa última sesión esta tarde ás 16.00 horas. O Aspil Ribera Navarra adestrará mañá ás 11.00 en Vista Alegre.




Convocatoria Aspil Vidal Ribera Navarra: 15. Molina / 28. AbdelKarim / 2. David / 3. Hamza / 6. Luisma / 7. Rubi / 8. J. Mínguez / 11. Kostas / 12. Pedro / 14. Lucas / 16. Ferrán Plana




Sorteo de Copa do Rei



O cadro mariñán coñecerá mañá a identidade do seu rival na primeira semifinal da historia laranxa, entre Levante UDDM, Magna Gurpea e ElPozo Murcia. A ida está programada para o 18 de xaneiro e a volta para o 8 de febreiro.




30 de decembro



A 13ª xornada de Primeira División pechará o ano o venres 30 de decembro con desprazamento dos laranxas á pista de Ríos Renovables Zaragoza (20.45 horas).

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.