O Calendario Laranxa 2017 rende homenaxe ao Futuro Burelista
O Calendario Laranxa volve en 2017 aos fogares mariñáns rendendo homenaxe ao Futuro Burelista, cun equipo de base como protagonista de cada mes. Como xa é tradición, o almanaque do Pescados Rubén Burela FS incorpora a axenda ligueira dos equipos sénior, de Primeira División LNFS e RFEF, ata finais de 2016-17, ademais dun póster central de toda a Familia Laranxa. Portada e contraportada están dedicadas aos conxuntos de elite.
As pequenas Xoias Laranxas, dende prebenxamín ata xuvenil e filial feminino, encabezan os meses de 2017, co apoio de Grupo Vega, A Chave de Ouro, Halcón Viajes, Alain Afflelou Óptico, Concello de Burela, 3A Consultores, Frenos Carpe, Pescados Rubén, AutoLav Galicia, Living Sport Foz, Limpezas Lemas e Ximnasio Breogán.
O calendario xa está dispoñible (prezo, 3 euros) nas oficinas do club (avenida Arcadio Pardiñas, número 91); tamén poderá adquirirse no pavillón Vista Alegre, coincidindo cos partidos laranxas sénior, dende este sábado, 7 de xaneiro.
O Pescados Rubén Burela FS quere amosar o seu agradecemento aos establecementos, empresas e Concello colaboradores na realización do Calendario Laranxa 2017.
Categorías
- Actualidade
- Reportaxes
- Equipo masculino
- Equipo femenino
- Pioneiras
- Historia
- Turismo
- Educación
- RSC
- Institucional
- Patrocinadores
Reportajes
Noticias destacadas
Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.
Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.
Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.