13/01/2017

Gironella, último destino da primeira volta

Gironella, último destino da primeira volta

O Pescados Rubén Burela FS disputará mañá a penúltima xornada da primeira volta na casa do Penya Esplugues Gironella (18.00 horas, Cem Les Moreres). A cita poderá seguirse en directo por streaming. LIGAZÓN



A escuadra mariñá intentará reforzar o bo inicio de ano, tras o traballadísimo triunfo ante o Jimbee Roldán FSF (1-0), e dar continuidade aos resultados poisitivos fronte ao sexto da táboa, que comparte puntos (22) co quinto, Ourense Envialia. Desde a cuarta praza e en pugna directa pola terceira con Alcorcón (27 puntos), as galegas chegan con moitas ganas dispostas a todo por arrebatar os tres puntos: “Medímonos a un rival cun cadro continuísta e mozo que practica un fútbol sala atrevido e atractivo, coa gran referencia da internacional Berta Velasco” advertía Lucas, xa en terras catalás.



Xunto ás baixas de longa duración de Emma e Helena, Lucas e Julio Delgado non poderán dispoñer de Judith, aínda con molestias tras o golpe sufrido na cabeza o sábado pasado en Vista Alegre fronte a Roldán; Dany chega con molestias no nocello. As mariñás realizaron a última sesión da semana en Gironella esta mañá, acabadas de chegar ao último destino da primeira volta.



Convocatoria Pescados Rubén Burela FS: 1. Jozi, 3. Dany, 6. Silvia, 10. Lara, 13. Nerea, 14. Bea Mateos, 16. Cilene, 17. Sofía, 18. Shiori, 19. Paula, 26. Elvira

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.