03/02/2017

O Pescados Rubén repite parada nos Remedios, coa liga en TVG2

O Pescados Rubén repite parada nos Remedios, coa liga en TVG2

O Pescados Rubén Burela FS repite esta semana parada no pavillón ourensán dos Remedios arrancando a segunda volta de Primera RFEF con arrecendo galego e ante a mirada de TVG2 (sábado 4, 20.00 horas). Tras despedirse da Copa Galicia en semifinais co Ourense Envialia (6-0), as laranxas veranse as caras co outro apeado da cita irmandiña, o Cidade das Burgas, que caeu co Poio Pescamar (4-0). Fuxindo deste sabor amargo, ambos os conxuntos chegan en postos de Copa de España para poñer máis emoción ao derbi;  9 puntos avantanxan a cuarta praza burelista (33 puntos) da sétima local (24 puntos).



“O equipo está doído pola derrota de Copa pero se traballamos ben todo pode saír adiante. Esperamos ir con forza e ganas e que nos saia un bo partido para seguir loitando en liga e chegar o máis alto posible”, explicaba a benxamina do equipo, Sofía Vázquez,  confiando en retomar a boa dinámica de 2017 na competición regular. A 17 laranxa e as súas compañeiras tomaron boa nota da mensaxe do corpo técnico para ir a por todas o sábado: “Lucas e Julio dixéronnos que tiñamos que poñer máis ganas, traballar máis no día a día e competir. Se xogamos como sabemos será un partido moi bonito e incluso con espectáculo de goles, coma o de Vista Alegre” facía así referencia a ribadense á cita da primeira volta, con 7-4 para as mariñás.



Con tan só 16 anos, Sofía xa está recollendo os froitos do seu traballo e dedicación polo fútbol sala, con 10 partidos en Primeira e cada vez con máis presenza nas rotacións laranxas: “Esperaba xogar moito menos do que o estou facendo pero vexo que con esforzo podo ir gañando minutos”, explicaba tímidamente a ala burelista.



Convocatoria Pescados Rubén Burela FS: 1. Jozi, 3. Dany, 6. Silvia, 10. Lara, 13. Nerea, 14. Bea Mateos, 15. Judith, 16. Cilene, 17. Sofía, 18. Shiori, 19. Paula, 26. Elvira
 

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.